210 forca policore janë përfshirë në një operacion antidrogë të shtrirë në veri të Shqipërisë.
Efektivë nga “Shqiponja” dhe FNSH-ja kanë monitoruar situatën në në Krujë, Kurbin, Mirditë, Vau i Dejës dhe në Shosh, Shkodër sa i takon kultivimit të bimëve narkotike.
1600 fidanë dhe 1495 bimë kanabis janë asgjësuar gjatë operacionit, në të cilin u përdorën dhe 12 dronë për të kontrolluar zonat e thella malore dhe ato me terren të vështirë.
8 persona janë shpallur në kërkim.
Ndërkohë në bashkëpunim me Prokuroritë respektive vijojnë hetimet e thelluara për zbardhjen dhe dokumentimin e autorësisë së këtyre rasteve.
© SYRI.net