Ish-ministri i drejtësisë dhe juristi i njohur,Ylli Manjani, ka komentuar pretencën e prokurorisë për mega-aferën e inceneratorëve.
Manjani në komentin e tij thotë se hetimi nuk është i plotë dhe përgjegjësia po ashtu.
Juristi nge disa pyetje për drejtësinë sa i përket kësaj afere.
Postimi i Manjanit:
Pra, pas pretencave në të dy gjykimet për inceneratorët e Elbasanit dhe Fierit, publiku nuk mësoi dot:
1. Cila ishte afera e paligjshme?
2. Kush e prezantoi idenë dhe si u mor vendimi për trajtimin e mbetjeve me incenerim, menyrë më e shtrenjtë e mundshme?
3. Përse 3 inceneratorë? Kaq shumë mbetje prodhon Shqipëria? Elbasani nuk punon gjithë vitin...
4. Sa i kushtuan buxhetit 2 inceneratorët dhe sa do i kushtojë në të ardhmen?
5. Nëse kishte korrupsion sa ishte vlera e korrupsionit? Kush e pagoi vlerën, kujt dhe ku janë paratë e korrupsionit?!
6. Më në fund kush gënjeu ata që vendosën dhe zbatuar skemën me incenerim apo ata që denoncuan këtë çështje si aferë?!
Asgjë përgjigje për interesin publik nuk u dha. Vetëm show, arrestime e dënime krejt pa lidhje. Pa llogjikë e pa sens. Fjala vjen ç'krim ka bërë Arben Dervishi një inxjinier privat?!
Po Pëllumb Abeshi një nënpunës me përvojë?!
Po biznesi që u përfshi në këtë sipërmarrje, ç'krim bëri?! Pse i dhanë të bëjë një punë quhet krim?!
Po Lefteri sa lekë mori?! Ku i çoi nëse i mori?!
Po Alqi si e shpërdoroi detyrën e sa dëm i solli shtetit nga ky shpërdorim.
Etj, etj...
Drejtësia penale është pjesë e të drejtës publike dhe si e tillë, duhet ti shërbejë interesit publik dhe jo të terrorizojë publikun me dënime për statistikë.
Shkurt nuk qullosën asgjë me këtë çështje. Thjesht kontribuan në kënaqjen e "urisë popullore" për të dënuar njerëz!
© SYRI.net