Policia e Shtetit ka prangosur bashkë me Ramazan Rrajën edhe Luis Konomin alias Elton Llozhi.
Luis Konomi ishte shpallur në kërkim disa ditë më parë për rastin e shantazhit dhe kërcënimit të biznesmenit të druve Eral Myftaraj për tërheqje nga tenderi 1 milion euro në bashkinë e Tiranës.
Operacioni për arrestimin e tyre është zhvilluar mbrëmjen e kësaj të mërkure në Fushë Krujë pranë vendit të quajtur "Ura e Gjolës".
Sakaq, Ramazan Rraja ishte shpallur në kërkim për vrasjen e Andi Malokut, dhe tentativën e vrasjes së ish-prokurorit Arjan Ndoja dhe Landi Muharremit i njohur ndryshe si "Rrumi i Shijakut".
Rraja mësohet se ishte kthyer nga Dubai dhe forcat e operacionale e kanë mbajtur në mbikëqyrje ditët e fundit.
Ndërsa Elton Llozhi alias Luis Konomi, ka qenë "bingo" për forcat e policisë gjatë operacionit për prangosjen e Rrajës.
© SYRI.net