"Brenda tre deri në gjashtë muajve, qeveria e Ruandës do të sigurojë që migrantët të strehohen dhe të integrohen në komunitetet lokale," tha Sekretarja e Brendshme britanike, Braverman.  Plani i Britanisë së Madhë me Ruandën u firmos në prill 2022 dhe kishte për qëllim dërgimin e personave që kërkonin azil ose pretendonin statusin e refugjatit në Mbretërinë e Bashkuar, të vendoseshin në Afrikë gjatë procesit të përpunimit. Kujtojmë se një numër shumë i madh azilkërkuesish janë shqiptarë.

Ministrja e Brendshme britanike Suella Braverman ka mbërritur në Ruandë pasi marrëveshja e qeverisë së saj për dërgimin e azilkërkuesve në vend është zhytur në sfida ligjore.

Kanë kaluar 11 muaj që kur Mbretëria e Bashkuar ra dakord për marrëveshjen, e cila do të bënte që personat që kërkojnë azil në Britani të dërgohen në këtë shtet të e Afrikës Qendrore për t'u përpunuar aplikimin e tyre dhe nëse plani do të kishte sukses, do të vendoseshin atje.

Mirëpo asnjë emigrant nuk e ka bërë ende atë udhëtim, pasi një avion u ndal në nisje, qershorin e vitit të kaluar pas një apeli në Gjykatën Evropiane të të Drejtave të Njeriut.

Në një deklaratë të lëshuar të premten, Suella Braverman tha se "Partneriteti i Migracionit dhe Zhvillimit Ekonomik Mbretëri e Bashkuar -Ruandë është një qasje novatore që do të veprojë si një parandalues i fuqishëm kundër udhëtimeve të rrezikshme dhe të paligjshme, si kalimit me varka të vogla".

Plani u nënshkrua në prill të vitit të kaluar.

Gjatë gjithë vitit 2022, rreth 45,728 njerëz kaluan në Mbretërinë e Bashkuar përmes Kanalit - 60% më shumë se vitin e kaluar.

Zonja Braverman tha se ajo po vizitonte Ruandën këtë fundjavë për të "përforcuar angazhimin e qeverisë ndaj partneritetit si pjesë e planit tonë për të ndaluar anijet dhe për të diskutuar planet për të funksionalizuar marrëveshjen tonë së shpejti".

Vizita e saj vjen pasi qeveria kërkon të ndalojë personat që mbërrijnë në Britaninë e Madhe nëpërmjet rrugëve jo standarde të kërkojnë azil.

Zonja Braverman tha në fillim të kësaj jave se ata do të dërgoheshin në vende si Ruanda.

Si pjesë e itinerarit të saj këtë fundjavë, ajo do të takohet me Presidentin Paul Kagame dhe ministrin e Jashtëm Vincent Biruta - i cili nënshkroi marrëveshjen me paraardhësin e zonjës Braverman, Priti Patel.

Ajo tha: "Ndërsa jam në Ruandë, unë do të vizitoj disa nga iniciativat e mbështetura nga partneriteti, nga vendet e akomodimit afatgjatë deri te qendrat e trajnimit dhe arsimit profesional."

Mbretëria e Bashkuar ka paguar tashmë 120 milionë funte për Ruandën si pjesë e marrëveshjes, me kostot e përpunimit dhe integrimit të njerëzve që do të sigurohen pasi të largohen.

"Këto iniciativa do t'u ofrojnë migrantëve mundësinë për të ndërtuar jetë të reja në Ruandë," shtoi Sekretarja e Brendshme.

“Sugjerimi se Ruanda mund të marrë vetëm 200 njerëz është një tregim krejtësisht i rremë i hedhur nga kritikët që duan të anulojnë marrëveshjen.

"Ruanda ka kapacitetin për të rivendosur mijëra njerëz dhe mund të ngrej shpejt akomodime sapo të fillojnë fluturimet."

Shifra 200 e cituar u përdor nga zëdhënësja e qeverisë së Ruandës Yolande Makolo kur foli me gazetarët britanikë vitin e kaluar.

Ajo sqaroi se po fliste për strehimin e përkohshëm të disponueshëm në atë kohë, duke thënë se qeveria e saj kishte aftësinë të "rriste shumë shpejt" numrin e njerëzve që mund të pranoheshin.

Shifra është përdorur nga laburistët për të sulmuar pretendimet e qeverisë britanike se mijëra njerëz mund të dërgoheshin në Ruandë.

"Brenda tre deri në gjashtë muajve, qeveria e Ruandës do të sigurojë që migrantët të strehohen dhe të integrohen në komunitetet lokale," tha zonja Braverman.

"Mezi pres të shoh disa nga zhvillimet e reja moderne të banesave që po ndërtohen në Kigali, të cilat do të përdoren për të strehuar disa nga ata që janë zhvendosur në Ruanda.

"Ruanda është një vend i sigurt, mikpritës dhe i lulëzuar dhe partneritete novatore si ky tregojnë se si ne mund të trajtojmë migrimin e paligjshëm, të mbështesim refugjatët e vërtetë dhe të thyejmë modelin e biznesit të bandave kriminale të trafikimit të njerëzve."