Zbardhen të tjera detaje nga krimi që tronditi Greqinë ditën e sotme.
Një 34-vjeçar shqiptar, i quajtur Visar Dakrama, u ekzekutua nga një 35-vjeçar grek pas një sherri për një femër në orët e para të mëngjesit në një lokal në Mykonos.
Mediat greke shkruajnë se greku që vrau shqiptarin në orën 6 të mëngjesit është një biznesmen aktiv në industrinë e turizmit në ishull.
Autori i krimit ka thënë se shqiptari i kishte ngacmuar të dashurën.
Mediat greke shkruajnë se ai e vrau shqiptarin pasi më herët e kishte kërcënuar me një thikë në lokal. Pasi të pranishmit kishin shuar sherrin, greku u largua dhe u kthye me një pushkë.
Dëshmitarët thonë se ai e qëlloi shqiptarin në kokë. Viktima u dërgua në spital, por ishte tepër vonë.
35-vjeçari u dorëzua vetë në polici, duke pranuar krimin. Burimet thonë se ai ishte në gjendje të dehur.
Ndërkohë mësohet se autori i krimit ishte pronar i një hoteli dhe zyrtar vendor i zgjedhur në ishull.
Kurse shqiptari kishte jetuar prej vitesh në ishull, kishte blerë një vilë në një nga zonat më të mira dhe e jepte me qira gjatë verës.
VIKTIMA E KRIMIT
AUTORI I KRIMIT
© SYRI.net