Punimet e dorës apo edhe gatime te ndryshme u prezantuan në panairin “Kult Art” në Gjirokastër ku ishin pjesë artizane të ndryshëm nga Shqipëria dhe rajoni. Për pjesëmarrësit ky event u mundëson atyre promovimin e trashëgimisë të zonave nga vijnë, por edhe nxjerrin në pah edhe punën e tyre.
Syri tv
Për tri ditë me radhe Gjirokastra mirëpriti panairin ‘Kult Art’, nga ku artizanë të ndryshëm nga Gjirokastra, Saranda ,Tirana , Kosova por edhe nga vendet fqinje prezantuan produktet e tyre duke promovuar traditat e zonave. Kryesisht punimet e dorës ishin ato që kryesonin këtë panair , si në bizhuteri, punime me qëndisje të ndryshme por edhe likere të ndryshme apo Zaire, karakteristike për zonën e Gjirokastrës .
Për tregtare ky panair shërben për promovimin e trashëgimisë kulturore por edhe një mundësi e mirë për reklamimin e punës së tyre.
Ky panair ka tërhequr turistë vendas dhe të huaj, të cilët janë ndalur për të parë nga afër punimet e artizanëve shqiptarë. /Gaz: A.hoxha, Pamje: Syri tv, mont: E.Goga/
© SYRI.net