Një person është ekzekutuar mëngjesin e sotëm në Laç, në afërsi të një banke. Sipas burimeve, viktima quhet Xhelal Reçi, 60 vjeç dhe ka qenë punonjës i Policisë së Shtetit.

Policia njoftoi se ngjarja ndodhi rreth ores 7:23 në qytetin e Laçit.

“Rreth orës 07:23 ,në afersi të një banke, në qytet Laç, Kurbin. në rrethana ende të paqarta është vrarë me armë zjarri shtetasi Xh.R.

Shërbimet e Policisë kanë rrethuar zonën, si dhe janë ngritur pika kontrolli, me qëllim kapjen e autorit.

Në ndihmë të Policisë lokale janë nisur grupe të FNSH-së dhe një grup i posaçëm hetimor për të bërë të mundur zbardhjen e plotë të rrethanave të ngjarjes, identifikimin dhe kapjen e autorëve.”