Një ngjarje e rëndë ka ndodhur sot (23 tetor) në Levan të Fierit.

47 vjeçari Sokol Vruzhaj i cili vuante nga probleme të shëndetit mendor ka plagosur me thikë babain e tij 80 vjeçar, Deli Vruzhaj.

47 vjeçari është shoqëruar në komisariat ndërsa babai i tij ndodhet në spitalin e Fierit jashtë rrezikut për jetën.

Fier/Informacion paraprak

Plagosi me mjet prerës (thikë) babain e tij, Policia kap dhe shoqëron autorin.

Pas marrjes së njoftimit se në Levan kishte ndodhur një konflikt në familje dhe për pasojë djali kishte plagosur babin e tij me thikë, shërbimet e Policisë kanë shkuar menjëherë në vendngjarje .

Falë veprimeve të shpejta e profesionale është bërë i mundur neutralizimi i autorit të dyshuar, shtetasit S.V., 47 vjeç, i cili vuan nga probleme të shëndetit mendor dhe kishte goditur me thikë në banesë babain e tij, shtetasin D.V, 80 vjeç.

Shtetasi S.V., është shoqëruar në Komisariatin e Policisë Fier për veprime të mëtejshme, ndërsa babai i tij shtetasi D.V., ndodhet në spitalin rajonal të Fierit jashtë rrezikut për jetën.