Policia e Shtetit vazhdon hetimet intensive në lidhje me ekzekutimin e efektivit të FNSH-së, Xhulio Prela, ngjarje e ndodhur mëngjesin e së shtunës në fshatin Gajush të Shkodrës.

Sipas të dhënave më të fundit policia ka sekustruar pamje filmike nga vendi i ngjarjes.

Në këto pamje dallohet ekzekutimi i efektivit të policisë. Por është i pamundur identifikimi i autorëve dhe makinës.

Shkak për pamundësinë për të bërë identifikimin është një kamion që ndodhet para makinës së autorëve, të cilët mesa duket kanë zgjedhur një vend të përshtatshëm për të humbur gjurmët që do çonin në identifikimin e tyre.