Janë zbardhur detaje të reja në lidhje me vrasjen me sende të forta të Bujar Mehmetajt gjatë paradites së sotme në Vlorë.

Policia ka identifikuar si autor të ngjarjes Jurgen Lecajn, i cili është shpallur menjëherë në kërkim.

Abc News mëson se shkak për sherrin është bërë vendosja e kamerave të sigurisë nga njëri prej personave të përfshirë në sherr, gjë e cila ka nxehur gjakrat.

Mësohet se dy familjet kanë krushqi me njëra-tjetrën.

Konflikti nisi për faktin se kamerat e sigurisë së vendosura në shtëpi prej njërit prej tyre filmonte edhe në shtëpinë e fqinjit, gje e cila është kundërshtuar nga ky i fundit.

Më herët pati raportime se vrasja ndodhi prej sherreve të vazhdueshme për probleme pronësie.