Punonjësi i Policisë, efektivi i FNSH Shkodër, që u plagos në detyrë gjatë një operacioni policor për kapjen e autorit të vrasjes së dyfishtë 2 ditë më parë në Rrëshen, është dërguar për ndihmë mjekësore më të specializuar në Spitalin Ushtarak në Tiranë.
Ai është plagosur me një plumb në këmbë dhe po i nënshtrohet një ndërhyrjeje kirurgjikale për nxjerrjen e tij.
Gjendja e tij shëndetësore paraqitet e stabilizuar për fat të mirë, pa rrezik për jetën.
Operacioni për kapjen e të dyshuarit për vrasjen në Mirditë zgjati 45 orë pa ndërprerje. Fatmir Kolecaj, në rrethim e pa rrugëdalje, vrau veten.
Dy ditë më parë, ai vrau ish-bashkëshorten dhe ish-kunatin.© SYRI.net