58-vjeçari rreh mbesën, nipi shkatërron me kallashnikov makinën e xhaxhait/ Policia shmang tragjedinë në Tiranë

58-vjeçari rreh mbesën, nipi shkatërron me kallashnikov makinën e xhaxhait/ Policia shmang tragjedinë në Tiranë

17:03, 16/11/2019

Policia e Tiranës ka parandaluar përshkallëzimin e një konflikti brenda një familjeje në Tiranë.

Një 58-vjeçar, tashmë i arrestuar nga policia, për arsye pronësie ka dhunuar fizikisht mbesën, ndërsa djali i tij, i shpallur në kërkim nga policia, qëlloi me kallashnikov ndaj makinës së xhaxhait të tij.

Njoftimi i policisë Tiranë:

Reagimi në kohë i shërbimeve të Komisariatit të Policisë nr 6, parandalon përshkallëzimin e një konflikti me pasoja të rënda.

Policia vë në pranga një 58-vjeçar i cili gjatë konfliktit për motive pronësie me të vëllain, dhunoi fizikisht mbesën.

Shpallet dhe në kërkim djali i 58 vjeçarit i cili gjatë konfliktit dëmtoi mjetin e xhaxhait duke e qëlluar me armë zjarri.

Shërbimet e Komisariatit të Policisë Nr.6, arrestuan në flagrancë shtetasin:

– P. S., 58 vjeç, banues në fshatin Maknor, në Pezë, Tiranë.

Në fshatin Maknor ky shtetas është konfliktuar për motive pronësie me vëllain e tij, shtetasin Xh. S., dhe gjatë konfliktit ka dhunuar fizikisht mbesën e tij (vajzën e shtetasit Xh. S.) duke i shkaktuar lëndime në trup.

Gjithashtu është shpallur në kërkim dhe po punohet intensivisht për kapjen e djalit të tij, shtetasit E. S., i cili gjatë konfliktit ka thyer xhamat e mjetit të xhaxhit (të shtetasit Xh. S.) pasi ka qëlluar në drejtim të mjetit me armë zjarri.

Materialet procedurale iu referuan për veprime të mëtejshme Prokurorisë së Rrethit Gjyqësor Tiranë për veprat penale “Dhunë në familje” në ngarkim të shtetasit P. S., dhe veprat penale “Shkatërrim prone”, “Kanosje”, “Prishje e qetësisë publike” dhe “Mbajtja pa leje e armëve”, në ngarkim të shtetasit E. S.

 

© SYRI.net

Lexo edhe:

Komentet

Shto koment

Denonco