Policia ka dhënë të tjera detaje mbi ngjarjen e rëndë të ndodhur në lagjen Spitallë në Durrës gjatë orëve të fundit ku një bashkëshort vrau gruan dhe qëlloi me thikë djalin e tyre të mitur.
Pasi u zbulua emri i viktimës, Hazbie Kuka e moshës 30 vjeç, policia ka dhënë të dhëna edhe për emrin e autorit të ngjarjes.
Ai është Ardian Kuka, i moshës 40 vjeç dhe është shpallur në kërkim nga Policia.
Kuka e qëlloi gruan e tij në sy të djalit të tyre 10 vjeçar.
Kanë qenë vëllezërit e viktimës ata të cilët e kanë transportuar trupin në spitalin e Durrësit, por pa mundur ta shpëtojnë.
Ndërkohë që fëmija 10 vjeçar është në kujdesin e mjekëve për shkak të plagëve të marra.
Ndërkohë që Faxnews ka publikuar edhe fotot e bashkëshortit vrasës dhe gruas që mbeti viktimë e krimit në familje.
© SYRI.net