Një nga dyshimet për vrasjen e avokatit Ravik Gurra, lidhet edhe me mbrojtjen që ai ka në çështjen Çapaj
Sipas grupit hetimor ekzekutimi i Gurrës ka lidhje direkt me detyrën e tij si avokat.
Gazetarja Klodiana Lala tha në Opinion se përpara një viti e gjysmë avokati Gurra i ka shprehur një shqetësim një zyrtari të lartë të policisë. Po kështu Lala tha se avokati i ka të regjistruar në celular të gjitha kërcënimet.
“Avokati para një viti e gjysmë ka shprehur një shqetësim pranë një zyrtari të lartë të policisë së Elbasanit, por e ka lënë në kuadrin miqësor. Ata që kanë pasur informacion, më kanë thënë se avokati ka dhënë detaje të sakta për ata që e kërcënonin. Ka pretendime që një pjesë të atyre kërcënimeve që konstatonte i ka renditur në një celular që nuk dihet se në duart e kujt është', tha Lala
© SYRI.net