Nëse nuk do të denonconte parcelat e kanabisit të mbjella në fshatin e tij sot do të ishte gjallë.
Por Alket Muho, kishte vendosur që të tregonte se në zonën e Memaliajt kanabis vazhdohej të mbillej.
E për të mos dalë emri i tij dhe për të mos u tradhtuar, 43-vjeçari nga fshati Rabije i Memaliajt nuk do të denonconte në Policinë e Tepelenës, sepse aty e dinte që emri i tij do të bëhej publik brenda pak minutash.
Muho do të denonconte në Tiranë në atë që njihet si Shërbimi i Çështjeve të Brendshme dhe Ankesave.
Tek policia që heton policinë, Alket Muho do të denonconte se në fshatin e tij dhe zonat përreth po mbillej kanabis.
Por edhe këtu, denoncimi i tij nuk do të qëndronte sekret.
Emri i tij do të bëhej publik për strukturat e policisë, por jo vetëm për ta. Policia do ta tregonte emrin e Alket Muhos edhe tek trafikantët e kanabisit.
E nuk do të kalonin shumë ditë.
Vetëm 10 ditë do të kalonin nga denoncimi, kur Alket Muho do të ekzekutohej në tokën e tij jo shumë larg shtëpisë në fshatin Rabije.
Edhe pse u tregua një qytetar denoncues për drogën që mbillej në fshatin e tij, policia nga ana tjetër vazhdon të jetë e njëjta, bashkëpunëtore me trafikantët e drogës dhe tradhtare ndaj qytetarëve.
Kush oficer policie e dekonspiroi qytetarin Alket Muho në denoncimin e tij për parcelat e kanabisit dhe ia dha emrin vrasësve?
Kjo është një pyetje që Ministria e Brendshme dhe Policia e Shtetit duhet ti japin përgjigje.
© SYRI.net
Policia qe DUAM
Ore ky popull nuk e shikon se ne qeverri jan kriminelet qe presin se cili po tregon krimin, dhe nenqeshe me perbuzje, budallai me tregon se kam droge, po policia drogen po ruan dhe ti i mjere beson ne polici ajo ate po kerkon kush denoncon jo kush mbjell, korre, shet e pret kedo qe mundohet ti prese rrugen!? Vete ministri mban ere droge, gjithe struktura eshte çant gati per transport,, mekat e pastaj kete pune ka polici, drejtori, ministri, kryeministri, s’kan ç’bejn ne fund te fundit puntor dhe ato janëë.. rororo