Pas Met Gala, Kendall Jenner u pa me ish-in e saj Bad Bunny, i cili bashkë-kryesoi mbledhjen e fondeve të modës me Zendaya, Jennifer Lopez, Chris Hemsworth dhe Anna Wintour, në një nga party-t pas ngjarjes.

Ndërsa merrnin pjesë në eventin 'Après Met' të organizuar nga Emily Ratajkowski, Kendall dhe këngëtari u panë duke u rehatuar në një divan, të dy duke buzëqeshur.

Ribashkimi i ish-çiftit vjen gati pesë muaj pasi lajmi për ndarjen e tyre u bë publik. Edhe pse dyshja ndezi thashethemet e pajtimit në fillim të janarit, kur zëri i Bad Bunny u dëgjua në sfondin e një videoje të realizuar në festimet e Vitit të Ri të yllit të Kardashians, lidhja e tyre me sa duket nuk u rregullua më.

Në fakt, në Super Bowl në shkurt, ish-çifti u pa duke shijuar lojën veçmas, me Kendall duke parë nga zona luksoze e drejtorit ekzekutiv të Fanatics, Michael Rubin, ndërsa reperi shoqërohej me Lizzo dhe miqtë në suitën e CEO të Apple, Tim Cook.

Megjithatë, duket se ata mbeten në marrëdhënie miqësore. Siç theksoi më parë Kendall, ajo nuk është nga ata njerëz që i ndërpret plotësisht lidhjet.