Luana Andrade, një influencere e Instagramit nga Brazili, ndërroi jetë tragjikisht gjatë një procedure liposuksioni në Sao Paulo të mërkurën. 29-vjeçarja, e cila në postimin e fundit shfaqej duke buzëqeshur në palestrën e saj të preferuar, pësoi arrest kardiak gjatë operacionit. 

Ajo u transferua në njësinë e kujdesit intensiv për trajtim, por vdiq menjëherë më pas nga një emboli pulmonare. I dashuri i saj prej dy vitesh, Joao Hadad, i cili është gjithashtu një influencer, e ka postuar lajmin në Instagram, ku tha se ishte i shkatërruar, shkruajnë mediat e huaja. 

Duke ndarë një imazh bardh e zi të tij dhe të Luanës duke shëtitur nëpër Paris, ai shkroi: "Jam i shkatërruar dhe po jetoj makthin më të keq. Një pjesë e imja është zhdukur. Me keqardhje të madhe dhe shumë dhimbje në zemër i them lamtumirë Luanës time, princeshës time, bukuroshes time. Kanë kaluar dy vjet në krah dhe nuk kam fjalë të shpreh sa i lumtur isha... Ne bëjmë një histori të bukur dhe i jetojmë ëndrrat tona intensivisht. Ti ishe më shumë se një e dashur dhe do të jesh gjithmonë partnere për jeta dashuria ime". 

Çfarë është liposuction?

Liposuction është një procedurë që përdor thithjen për të hequr depozitat e yndyrës në ijet, qafën, krahët, stomakun, kofshët, gjunjët e brendshëm ose kyçet e këmbës. Sipas Shoqatës Britanike të Kirurgëve Plastikë Estetikë, është më efektive për njerëzit, pesha e të cilëve është normale dhe që kanë lëkurë të fortë dhe elastike. Nuk është një zëvendësim për humbjen e peshës.