Mihailo Toloto ishte një murg grek, i cili e kaloi tërë jetën e tij 82-vjeçare në malin Athos, pa i hedhur sytë mbi një grua e vërtetë.

Lindur në vitin 1856, Mihailo Toloto u përball me fatkeqësi që nga momenti kur erdhi në botë. Nëna e tij vdiq vetëm katër orë pas lindjes së tij dhe pa baba që ta pretendonte si të tijin, ai u braktis në shkallët e një manastiri që ndodhej në malin Athos, qendra e monastizmit ortodoks.

Murgu që ishte atje e futi brenda dhe manastiri u bë shtëpia e tij e përhershme. I rritur dhe i arsimuar brenda manastirit të rrethuar me mure, Mihailo u bë murg dhe thuhet se nuk doli kurrë nga mali deri në vdekjen e tij, në vitin 1938. Dhe meqenëse gratë nuk lejohen të shkelin në malin Athos, Miahilo Toloto vdiq pa parë kurrë një grua.

Është interesante se Mihailo Toloto mund të ketë rënë në kontakt me një grua në dy raste të veçanta, edhe pse ai nuk e dinte këtë.

Në vitet 1920, filozofi dhe shkrimtarja franceze Maryse Choisy u maskua si marinare për të hyrë në malin Athos, dhe në vitet 1930, Aliki Diplarakou, gruaja e parë greke që u kurorëzua Miss Evropa, përdori gjithashtu një maskim për të depërtuar në malin e shenjtë ortodoks të ndaluar për gratë.

Mihailo mund të ketë rënë në kontakt me njërën ose të dyja femrat e maskuara, megjithëse me shumë mundësi nuk e kuptoi kurrë për shkak të maskimit të tyre. /ar.sh/SYRI.NET