Që prej 28 dhjetorit të vitit që sapo lamë pas, Feronit Shabani i njohur si Fero është në kërkim nga policia e Kosovës.
Reperi akuzohet për veprën penale “Shkaktim i rrezikut të përgjithshëm”, pasi qëlloi me armë zjari në një lagje të Gjilanit.
Së fundmi Zëdhënësi i Policisë në rajonin e Gjilanit, Ismet Hashani për Insajderi njoftoi se i dyshuari F.SH është ende në arrati.
“Ende nuk është arrestuar. Po vazhdon kërkimi i tij nga ana e Policisë” – tha Hashani.
Nga ana tjetër kujtojmë që tre ditë më parë bashkëshortja e Feros, Arbenita Ismajli publikoi një foto ku dukej në prehërin e reperit.
Kjo foto e tyre erdhi pas lajmeve që Fero ishte shpallur në kërkim dhe pas lajmeve të shumta që dyshja ishin ndarë me njëri-tjetrin.
© SYRI.net