I ftuar në edicionin e sotëm të ‘Kafe Shqeto’ ishte aktori i njohur Neritan Liçaj, i cili ka rrëfyer rrugëtimin e tij në kinematografi gjatë viteve të fundit.
Liçaj, i cii para disa javësh vuri në skenë filmin ‘Vagon’ për të gjithë publikun shqiptar tregoi se përfshirja në rolin e prindit bëri që te ‘Vagoni’ të hypte prindi, pra Neritani si baba.
“Filmi tregon marrëdhënien e një babi me fëmijën e tij, ku roli i tij ishte disi më i ftohtë, pak më ‘ballkanas’ dhe vajza e cila u rrit në një familje jo të shëndetshme. Ishte një konflikt i cili është i pranishëm në Ballkan,sidomos në Shqipëri”.
"Njeriu e përjeton shumë fort marrëdhënien me familjen por sidomos me fëmijën, kështu që sigurisht edhe roli krijoi reflektimin e tij. Nëse ty të jepet një rol, është detyrë e aktorit që ta ‘copëtojë’ atë për ta kuptuar më mirë dhe ta interpretosh brenda kërkesa regjisoriale"-u shpreh ai.
Sa i përket projekteve në botën e kinematografisë, në muajt në vijim, Licaj ka treguar se së bashku me trupën Kombëtare po përgatisin ‘Çehovin e Madh’ nën penën e të madhin Çehov, por ende nuk është finalizuar.
Më tepër ndiqni linkun më poshtë:
© SYRI.net