Miley Cyrus po përballet me një padi për të drejtën e autorit pasi ajo postoi një imazh të saj në mediat sociale, të shkrepur nga i njëjti paparac që paditi Dua Lipën për të njëjtën gjë muajin e kaluar.

Në një ankesë të depozituar të premten në gjykatën federale të Los Anxhelosit, fotografi Robert Barbara pretendoi se Cyrus ripostoi imazhin e tij të vitit 2020 – një foto e saj teksa dilte nga një ndërtesë – pa licencë ose asnjë lloj leje për ta bërë këtë.

Këngatarja nuk është e vetmja që poshkon në gjyq për këtë cështje. Gjatë viteve të fundit, Justin Bieber, Ariana Grande, Emily Ratajkowski, LeBron James, Katy Perry dhe të tjerë janë përballur të gjithë me raste të ngjashme, duke i akuzuar ata për shkelje të të drejtave të autorit duke ripostuar imazhe të tyre.

Veçanërisht Barbara ka bërë emër duke depozituar raste të tilla. Ai ngriti paditë e mëparshme kundër Grande dhe Bieber (të dyja rastet u zgjidhën përfundimisht në kushte konfidenciale) dhe, në fillim të kësaj vere, ngriti një tjetër kundër Dua Lipës që është ende në pritje në gjykatë.

“Keqkuptimi me personazhet e famshëm [është] vetëm sepse ata janë subjekt i një fotografie nuk do të thotë se ata kanë ndonjë të drejtë pronësie në të,” tha Nancy Wolff, një avokate në firmën ligjore Cowan DeBaets Abrahams & Sheppard, për Billboard në qershor. . “Jo të gjithë e kuptojnë me të vërtetë ndryshimin midis të drejtave të privatësisë dhe publicitetit dhe të drejtës së autorit.”

Në rastin aktual, Barbara pretendon se Cyrus ka një “ndikim të jashtëzakonshëm” në Instagram, dhe publikimi i imazhit “shkatërroi” aftësinë e tij për të fituar para duke e licencuar atë.

Çështja nuk përfshinte një kërkesë specifike për dëmshpërblim, por ligji për të drejtën e autorit lejon një akuzues të kërkojë ose “dëmtimet e tyre aktuale” – paratë e humbura për shkak të shkeljes – ose dëmet fikse “statutore”, të cilat mund të arrijnë deri në 150,000 dollarë .