Cameron Diaz po feston ditëlindjen e saj të 50-të në një moment të mrekullueshëm. Në rrugën e saj për t’u kthyer në kinema, e rrethuar nga bashkëprotagonisti, ylli i saj në “Annie”, Jamie Foxx, aktorja do të luajë në “Back in Action” të regjisorit Seth Gordon. Ajo nuk ishte shfaqur në ekranin e madh që nga viti 2014 dhe tërheqja e saj nga skena ishte e motivuar nga dëshira për t’u kujdesur për familjen, burrin dhe vajzën e saj dhe biznesin e saj të verërave organike.

Njoftimi për rikthimin e saj në kinema është dhënë në Twitter nga vetë Foxx, i cili, rreth një muaj më parë, ndau një regjistrim të një bisede trepalëshe. Në fakt, për të bindur Cameron të kthehej, aktori përfshiu atletin Tom Brady, vetë protagonist i një tërheqjeje të shkurtër nga skena.

Në vitin 2018, pas më shumë se njëzet viteve karrierë dhe sukseseve të mëdha botërore, ylli i “Të gjithë të çmendur për Mary”, “The Holiday”, “The Mask”, “Shrek” ose “Charlie’ s Angels”, kishte deklaruar se nuk ka më nevojë për të bërë filma. E vendosur për t’iu përkushtuar vajzës dhe bashkëshortit të saj, Benji Madden, me të cilin u martua në vitin 2015, ajo kishte vendosur të bënte një shkëputje nga kinemaja.