Këngëtarja nga Prishtina Dua Lipa së fundmi ka folur gjatë për “WSJ. Magazine” lidhur me çështje të ndryshme të jetës së saj.

Një ndër temat që ajo ceku fillimisht ishte për thelbin e mbajtjes së jetës së saj larg shkëlqimit mediatik.

“Diçka që kam kuptuar me kalimin e kohës është se sa pak njerëzit i dinë në të vërtetë gjërat siç janë. Unë kam bërë paqe me faktin që njerëzit mund të mendojnë atë që duan të mendojnë, por askush nuk e di me të vërtetë se çfarë po ndodh pas dyerve të mbyllura.”

Deklarata e Lipës vjen pas ndarjes me të dashurin prej dy vitesh, modelin Anwar Hadid.

Lipa shtoi: “Rrethi im është vërtet i ngushtë, familja ime dhe miqtë e mi më mbajnë kaq të vendosur dhe më jep një lloj ngushëllimi që jo gjithçka është atje jashtë që do të largonte nga jeta dhe privatësia jote”.

Duke folur më tej për rrënjët e saj kosovare, këngëtarja përsëriti se kujtimi i së kaluarës e ndihmon atë të jetë e bazuar dhe e kënaqur me jetën e saj.

“Është një pjesë shumë e madhe e asaj që jam. Duke pasur parasysh prindërit e mi dhe mënyrën se si ata erdhën në Mbretërinë e Bashkuar, [situata e refugjatëve] ka qenë gjithmonë diçka afër zemrës sime,” shtoi ajo.

“Kam lexuar shumë komente nga njerëzit që më thonë se nuk kam shtet, nuk kam identitet, Kosova nuk ekziston. Kam jetuar në Kosovë, i di jetët që kanë humbur. Kështu që kur dikush mundohet të më mohojë identitetin dhe përvojën time, është e vështirë për mua të qëndroj prapa dhe të mos flas për të. Kështu që kjo është diçka që do ta bëj gjithmonë.” ka deklaruar këngëtarja.