Legjenda e Barcelonës Xavi që tani është trajneri  i Al Sadd ka njoftuar se është testuar pozitiv në testin e Covid-19.

Këtë e bëri të ditur vetë ai me anë të një njoftimi në rrjete sociale ku shkruante:

‘Sot nuk do të jem në gjendje të shoqëroj ekipin dhe David Prats do të jetë në vendin tim dhe shefi i stafit teknik. Disa ditë më parë u testova pozitiv në testin e fundit për Covid/19. Për fat të mirë gëzoj shëndet të mirë por duke ndjekur protokollin do të qëndroj i izoluar derisa ta kapërcej këtë problem. Kur autoritetet shëndetsore të më lejojnë do të bashkohem me ekipin dhe do të rifillojë rutinën time të përditshme. Falenderoj të gjtiha autoritetet dhe veçanërisht stafin mjekësor që kanë vënë në dispozicion të gjitha mjetet për një diagnostifikim të hershëm. Një përqafim dhe shihemi së shpejti në fushë’.