Justin Bieber duket se ia ka parë sherrin publikimit të një fotografie. Ai është paditur nga fotografi Robert Barbera

Kjo pasi sipas tij, ylli i hitit “Love Yourself”  i ka shkelur të drejtat autoriale dhe e ka publikuar një foto në Instagram.

Në dokumentet gjyqësore, të marra nga ENews, Barbera thotë se ky veprim lind për shkak të “riprodhimit të paautorizuar dhe shfaqjes publike” të Bieber të fotografisë së mbrojtur nga të drejtat e autorit, e cila është në pronësi dhe e regjistruar nga Barbera.

“Barbera është autori i fotografisë dhe ka qenë gjithnjë pronari i vetëm i të gjitha të drejtave, titujve dhe interesave për fotografin, përfshirë këtu të drejtat e autorit”, shkruajnë dokumentet.

“Unë dhe djali im”, kishte shkruar pranë fotos së postuar Justin.