Modelja Oriola Marashi është një nga modelet më të përfolura, jo vetëm për fizikun e saj. Ditët e fundit ajo u vu në shënjestër për shkak të daljes nga grupi i famshëm shqiptar “OTR” dhe më konkretisht me liderin këtij grupi, Noizyn.

Por pavarësisht kësaj Oriolës po i shkojnë  punët shumë mirë larg Shqipërisë.

E teksa portalet gëlojnë me lajme përreth prishjes së miqësisë me këtë të fundit, Oriola ka postuar së fundmi në rrjetin social “Instagram” një video, krahas së cilës shkruan se sapo ka mbaruar setin fotografik me brandin e njohur botëror Guess.

Së fundmi nëpërmjet Instagramit, Oriola  ka treguar se ndodhet në Lugano të Zvicrës. Edhe më parë ajo ka treguar se gjendej në një foto-studio në Zvicër, por pa treguar detaje të mëtejshme. Mesa duket, modelja shqiptare po synon tanimë të zhvillojë karrierën e saj jashtë kufijve.