Gjatë ditës së dejshme  ka qarkulluar në rrjete sociale lajmi se balerina dhe velina e emisionit “Stop” Alesia Bami është larguar nga emisioni pas një dalje të saj televizive në emisionin “Ftesë në 5” në Top Channel.

Në fakt bukuroshja prej dy netësh nuk është më pjesë e emisionit dhe  zgjodhi të reagojë duke shkruar në Instagram.

‘Të dashur miq! Ashtu siç e keni vënë re dhe ashtu siç kanë shkruar portalet unë nuk jam më pjesë e emisionit “Stop”. Kjo për faktin e vetëm se dhashë një intervistë në Top Channel dhe më larguan nga puna në mënyrë flagrante me një mesazh.Kjo tregon nivelin e atyre që janë punëdhënësit tonë dhe sa të mbrojtur nga ligji janë punonjësit e mediave, ku nuk respektohet asnjë kontratë pune, aq më pak Kodi i Punës.Sigurisht, që nuk jam as e para as e fundit. Jam e detyruar ta bëj këtë sqarim për gjithë publikun tim dhe gjithë ata që më kanë shkruar dhe suportuar pa fund. Së shpejti do të shihemi në një projekt të ri,-përfundon Alesia.

Ditën e sotme burime të Tv Klan kanë treguar për ‘Blitz’ arsyen pse e hoqën Alesia Bamin nga puna dhe sipas tyre velina e kishte mbushur kupën me sjellejn e saj.

’Marrëdhënia ka nisur të kriset dhe acarohet kohë më parë. Ajo e kishte mbushur kupën me sjelljet e saja aspak profesionale. Alesia nuk ishte korrekte me oraret dhe ka treguar mungesë respekti ndaj stafit të emisionit.Përveç kësaj të dyja velinat duhet që për çdo dalje televizive  të marrin më përpara leje tek dy drejtuesit e emisionit Saimir Kodra dhe Genti Zenelaj’ ka treguar burimi.