Lordit të drogës Joaquin Guzman, i njohur me nofkën “El Chapo” ka pasur gjatë ditës së djeshme seancën gjyqësore në Nju Jork.

Për të ndjekur nga afër këtë seancë në gjykatë ishte e pranishme edhe bashkëshortja e tij, e cila tërhoqi vëmendjen e të gjithëve me paraqitjen e saj.

Bëhet fjalë për Emma Coronel Aispuro Guzman, e cila është gruaja e tretë e El Chapos.

Ajo ka dy kombësi, meksikane nga babai dhe amerikane nga e ëma.

Emma u bë bashkëshortja e Guzman, në momentin kur mbushi 18 vjeç, ndërsa El Chapo në atë kohë ishte 50 vjeç.

Nga lidhja me lordin e drogës, ajo ka lindur dy vajza binjake.

Gruja e El Chapos, e cila në pamje ngjasonte me bukuroshen Kim Kardashian, nuk nguroi të japë edhe disa deklarata për mediat, ku doli në mbrojtje të bashkëshortit të saj.