VIDEO/ Nyland pret penalltinë e Bruno Guimaraes, Norvegjisë i anulohet një gol për pozicion jashtë loje

Ndeshja mes Brazilit dhe Norvegjisë nisi me ritëm të lartë dhe nuk munguan momentet dramatike që në minutat e para.

Në minutën e 4-t, Norvegjia arriti të dërgonte topin në rrjetë me Patrick Berg, por gëzimi i nordikëve zgjati pak, pasi goli u anulua për pozicion jashtë loje.

Brazili reagoi shpejt dhe në minutën e 10-të kërkoi penallti, kur Matheus Cunha u rrëzua brenda zonës pas një ndërhyrjeje të një mbrojtësi. Fillimisht, arbitri Ismail Elfath lejoi lojën të vazhdonte, duke mos e konsideruar ndërhyrjen të parregullt.

Dy minuta më vonë, në minutën e 11-të, loja u ndërpre pasi arbitri mori sinjal nga sistemi VAR për të rishikuar episodin. Pas konsultimit me pamjet video, ai ndryshoi vendimin dhe në minutën e 13-të akordoi penallti për Brazilin.

Përgjegjësinë nga pika e bardhë e mori Bruno Guimaraes në minutën e 14-të. Mesfushori brazilian provoi të mashtronte portierin Orjan Nyland duke ndalur shkurt gjatë vrapimit para goditjes dhe duke e dërguar topin në të djathtë. Megjithatë, portieri norvegjez ruajti qetësinë, parashikoi drejtimin e goditjes dhe bëri një pritje të shkëlqyer, duke ia mohuar golin Brazilit dhe duke mbajtur të paprekur rezultatin.

Penalltia e humbur