Trajneri i Francës, Didier Deschamps, ka zbuluar me humor çfarë ndodhi në kampin francez gjatë ndërprerjes së gjatë të ndeshjes ndaj Irakut në Kupën e Botës 2026, e cila u ndal për shkak të stuhisë dhe rrufeve.
“Çfarë bëmë gjatë pritjes? Luajtëm me letra”, – u shpreh me shaka Deschamps, duke shtuar se atmosfera në dhomën e zhveshjes ishte më e relaksuar nga sa mund të mendohej.
“Në fakt, po argëtohesha me lojtarët e mi”, – theksoi trajneri i “Bleus”, duke treguar se stafi teknik u përpoq ta mbante skuadrën të qetë gjatë ndërprerjes së gjatë.
Ylli i skuadrës, Kylian Mbappé, autor i një dopiete në atë ndeshje, pranoi se situata ishte e vështirë nga ana mentale.
“Ishte një mbrëmje shumë e gjatë. Të qëndrosh për kaq shumë kohë në dhomën e zhveshjes dhe të ruash përqendrimin është e vështirë. U desh të bënim një sforco të madhe”, – tha ai.
Ndërkohë, mbrojtësi Jules Koundé tregoi detaje shtesë për mënyrën se si lojtarët u përpoqën të qëndronin aktivë gjatë pritjes.
“Bëmë pak çiklizëm për të mos humbur ritmin. Pastaj folëm mes nesh dhe prisnim momentin për t’u kthyer në fushë për nxehje”, – deklaroi Koundé.
Ngjarja ka nxjerrë në pah vështirësitë e pazakonta që sjellin ndërprerjet ekstreme në turnetë e mëdhenj, ku përqendrimi mendor shpesh bëhet po aq i rëndësishëm sa performanca në fushë.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Deshamp në histori, bëhet trajneri më i suksesshëm i Botërorëve
Ibrahimoviç bën krahasimin epik mes tij dhe Messit: Ai shënoi 5 gola në dy ndeshje, unë asnjë në dy botërorë
Kupa e Botës 2026 thyen rekorde globale shikueshmërie në hapjen e turneut