Presidenti i SHBA-së, Donald Trump, njoftoi se një shtetase amerikane, e cila mbahej e burgosur në Iran që prej dhjetorit 2024, është liruar.
Përmes një postimi në Truth Social, Trump tha se gruaja tashmë ndodhet jashtë Iranit dhe është në gjendje të mirë, por nuk zbuloi identitetin e saj apo arsyen e ndalimit.
“Irani ka lejuar një shtetase amerikane, e burgosur në mënyrë të paligjshme që nga dhjetori i vitit 2024, të largohet nga vendi. Ajo tani është e sigurt jashtë Iranit dhe është mirë. Shtetet e Bashkuara e vlerësojnë këtë gjest vullneti të mirë nga Irani!”, shkroi Trump.
Njoftimi vjen në një periudhë tensionesh mes Uashingtonit dhe Teheranit, pasi ditët e fundit Trump urdhëroi rifillimin e bombardimeve kundër Iranit dhe rivendosjen e një bllokade në portet e Gjirit.
Irani ka burgosur ndër vite disa shtetas perëndimorë, të cilët zakonisht akuzohen për spiunazh. Vendet perëndimore e kanë akuzuar vazhdimisht Teheranin se i përdor këta të burgosur si mjet presioni në negociatat me shtetet e tjera.
Në muajin maj, autoritetet amerikane njoftuan se një shtetase iraniane me status rezidenti të përhershëm në SHBA u lirua pasi vuajti një dënim 10-vjeçar me burg në Iran.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Të rrethuar nga zjarri, ekipi i trenit në Kanada rrezikon jetën nga flakët
Ligjvënësit ukrainas mbështesin kryeministrin e ri mes protestave për shkarkimin e ministrit
81 vjet pas testit të parë atomik, inteligjenca artificiale rrit rreziqet bërthamore