Komanda Qendrore e Forcave të Armatosura të Shteteve të Bashkuara (CENTCOM) hodhi poshtë të martën raportimet e mediave se Marina e SHBA-së ka rifilluar shoqërimin e anijeve tregtare përmes Ngushticës së Hormuzit.

Në një deklaratë në platformën sociale amerikane X, CENTCOM-i mohoi pretendimet se iniciativa “Projekti Liria” ka rifilluar, duke thënë se forcat amerikane nuk po ndihmojnë transportin tregtar përmes rrugës strategjike ujore.

🚫CLAIM: Recent media reporting claims that the U.S. Navy has restarted escorting or assisting commercial vessels during transits through the Strait of Hormuz. FALSE.

✅TRUTH: Project Freedom has not resumed, and U.S. forces are not currently escorting commercial vessels through… pic.twitter.com/JD9cY5FUNN

— U.S. Central Command (@CENTCOM) May 26, 2026

Më herët, gazeta “The Wall Street Journal”, duke cituar zyrtarë ushtarakë amerikanë, raportoi se marina kishte shoqëruar një supertanker grek që transportonte 2 milion fuçi naftë bruto përmes këtij korridori detar pranë brigjeve të Omanit.

Sipas zyrtarëve ushtarakë të cituar në lajm, anija kishte mbetur e bllokuar në rajon që nga fillimi i marsit dhe tani është nisur drejt Indisë për të dorëzuar ngarkesën e saj.

“Projekti Liria”, një iniciativë e Marinës së Shteteve të Bashkuara të Amerikës për të udhëzuar anijet përmes këtij korridori kritik detar, ishte pezulluar rreth 36 orë pasi ishte nisur në fillim të këtij muaji.