Groenlanda njoftoi se ka kërkuar një takim me Sekretarin e Shtetit të SHBA-së, Marco Rubio, pas deklaratave të fundit nga qeveria amerikane në lidhje me këtë territor danez.

Ministrja e Jashtme e Groenlandës, Vivian Motzfelt, shkroi në Facebook se Groenlanda kishte bërë një kërkesë për një takim, së bashku me Ministrin e Jashtëm danez Lars Rasmussen.Thirrja erdhi pasi zëvendësshefi i stafit të Shtëpisë së Bardhë, Stephen Mueller, deklaroi se qëndrimi zyrtar i administratës së Presidentit të SHBA-së, Donald Trump, është se "Grenlanda duhet të jetë pjesë e Shteteve të Bashkuara" dhe se "askush nuk do të shkojë në luftë me Shtetet e Bashkuara" për të ardhmen e Grenlandës, sipas CNN.

Më herët të martën, zëdhënësja e Shtëpisë së Bardhë, Anna Kelly, i tha CNN se Presidenti i SHBA-së, Donald Trump, "beson se Groenlanda është një vendndodhje strategjikisht e rëndësishme që është kritike nga një perspektivë e sigurisë kombëtare dhe ai është i sigurt se banorët e Groenlandës do të mbroheshin më mirë nëse Shtetet e Bashkuara do t'i mbronin ata nga kërcënimet bashkëkohore në Arktik".

Shtëpia e Bardhë tha gjithashtu se po shqyrtohen "opsione të ndryshme" për blerjen e Grenlandës, duke theksuar se përdorimi i forcave ushtarake amerikane nuk është përjashtuar.