Aeroplani përplaset me gradaçelën më të lartë të Pekinit

Pekin — Një avion i vogël duket se është përplasur me ndërtesën më të lartë në kryeqytetin e Kinës të premten pasdite, në një incident tronditës në një nga qytetet më të fortifikuara në botë.

Pamje dramatike të publikuara në rrjetet sociale nga Pekini tregojnë mbeturina që bien nga Kulla CITIC, një ndërtesë me 109 kate e njohur gjithashtu si China Zun, si dhe pjesën e bishtit të avionit dhe xhamin e thyer të një taksie në tokë.

Një gazetar i CNN-së pa njerëz që po evakuoheshin nga rrokaqielli dhe po mblidheshin në rrugët pranë hyrjes së ndërtesës, së bashku me automjete zjarrfikëse, makina policie dhe një ambulancë.

CNN ende nuk ka marrë një reagim zyrtar nga autoritetet. Personi që iu përgjigj telefonatës në degën përkatëse të Byrosë së Sigurisë Publike të Pekinit i tha CNN-së se “nuk ishte në dijeni të situatës”. Më pas ai e referoi CNN-në te një numër tjetër, por telefonata mbeti pa përgjigje.

CNN ka kontaktuar gjithashtu Qeverinë Bashkiake të Pekinit, si edhe një numër të regjistruar për pronarin e avionit, për të marrë informacione mbi incidentin.

Fotografitë e publikuara në internet që tregonin kodin e regjistrimit të avionit duket se i referohen një avioni të lehtë sportiv të prodhuar në vend, model Sunward SA 60L Aurora, në pronësi të një kompanie lokale të aviacionit të përgjithshëm, e cila ofron shërbime si trajnimi i pilotëve, fluturime rekreative private dhe fotografi ajrore.

Të dhënat e paverifikuara të fluturimit nga Flightradar24, të publikuara në internet, duket se tregojnë një devijim të madh të trajektores së avionit pasi ai u ngrit nga aeroporti Shifosi i Pekinit.

Që nga 1 maji, kryeqyteti kinez është praktikisht pa dronë, pas hyrjes në fuqi të rregullave të reja gjithëpërfshirëse. Banorëve nuk u lejohet të blejnë, të marrin me qira apo të përdorin dronë pa miratimin e qeverisë brenda juridiksionit të gjerë të qytetit./ CNN

#BREAKING

A light aircraft has crashed into China’s tallest building

The small aircraft crashed into China's Zun CITIC Tower in Beijing, the city's tallest skyscraper at 109 stories and 528 metres

The aircraft, a Sunward SA 60L Aurora (registration B-12PP) is a two-seat… pic.twitter.com/vI6kZ3NUdU

— Nabila Jamal (@nabilajamal_) June 26, 2026