Hillary Clinton ‘ëndërron me sy hapur’ për një njoftim kombëtar që thotë se Trump ka ‘ikur’

Ish-Sekretarja e Shtetit Hillary Clinton tha në një postim në Instagram të shtunën se gjatë një aktiviteti së fundmi po "fantazonte" për një njoftim që do t'u tregonte qytetarëve se presidenti Donald Trump ka "ikur.

Clinton publikoi një video nga një bisedë që pati më 18 nëntor me historianen Heather Cox Richardson dhe aktorin Lin-Manuel Miranda, e titulluar "Historia i ka sytë mbi ne".

Ajo e ndau klipin edhe në X, duke shkruar: "Kur një njoftim për një zjarr ndërpret aktivitetin… mund ta gjesh veten duke fantazuar për një 'Lamtumirë, Trump'."

"E dini çfarë më kujton kjo? Që do të doja të kishte një sistem të madh zanor kombëtar. Dhe që ne të gjithë të zgjoheshim e të dëgjonim: 'Vini re, vini re. E gjetëm problemin dhe e zgjidhëm. Ai ka ikur'", tha Clinton në video, ndërsa salla shpërtheu në duartrokitje.

When a fire announcement interrupts the event... you might find yourself daydreaming about a "Goodbye Trump" 🚨.

Go to https://t.co/wLOD9eLOLf to get virtual playback of the event with your support of Onward Together and @latinovictoryus. pic.twitter.com/JavQ7b4qlQ

— Hillary Clinton (@HillaryClinton) November 22, 2025

"Por arsyeja pse jemi këtu sonte," shtoi ajo, "është për t'i kujtuar vetes dhe të gjithëve se kjo nuk mund të ndodhë nëse nuk e bëjmë ne vetë."

Shtëpia e Bardhë nuk iu përgjigj menjëherë një kërkese për koment.

Aktiviteti ishte në mbështetje të Latino Victory dhe Onward Together, organizata që Clinton tha se financojnë kandidatë që kundërshtojnë "valën e intolerancës dhe mizorisë".

Ish-kandidatja demokrate për presidente ka qenë kritike ndaj Trump-it që nga humbja përballë tij në zgjedhjet e vitit 2016.

Së fundmi, Clinton kritikoi ndërtimin e një salle vallëzimi nga Trump, duke shkruar në X: "Nuk është shtëpia e tij. Është shtëpia juaj. Dhe ai po e shkatërron," shtoi ajo.

Postimi i Clinton-it u tall nga konservatorët, të cilët rikujtuan një debat të vitit 2001, kur ajo dhe ish-presidenti Bill Clinton kthyen artikuj me vlerë më shumë se 28 dollarë mijë pas pyetjeve nëse ato ishin dhurata që i përkisnin Shtëpisë së Bardhë, sipas Washington Post në atë kohë. / Fox News - Syri.net