Samiti i G20/ Tajvani ‘mollë sherri’ mes Pekinit e Tokios, dy kryeministrat shmangin takimin

Kryeministri i Kinës Li Qiang nuk ka plane të takohet me homologen japoneze, në margjinat e samitit të ardhshëm të G20 në Afrikën e Jugut, tha të hënën ministria e jashtme kineze, ndërsa tensionet mbi Tajvanin thellohen.

Komentet e kryeministres japoneze mbi Tajvanin kanë dëmtuar seriozisht themelin politik të marrëdhënieve kino-japoneze dhe Japonia duhet të tërheqë vërejtjet e saj "të gabuara", tha Mao Ning, zëdhënës i ministrisë së jashtme, në një konferencë të rregullt për shtyp.

Më herët këtë muaj, Takaichi i tha parlamentit se një sulm kinez ndaj Tajvanit të qeverisur në mënyrë demokratike, të cilin Pekini pretendon se është pjesë e territorit të tij, mund të shkaktojë një përgjigje ushtarake nga Japonia./ Reuters.