Sipas statistikave globale, shumica e fëmijëve lindin në fillim të vjeshtës, më saktësisht në shtator. Por cilat janë ditët më të zakonshme për të ardhur në jetë?

Një studim i kryer nga Harvard midis viteve 1973 dhe 1999, i raportuar nga The New York Times në vitin 2006, zbuloi se data më e zakonshme e lindjes në SHBA ishte 16 shtatori. Në një përmbledhje më të fundit të lindjeve nga viti 1994 deri në vitin 2014, Matt Stiles nga The Daily Viz zbuloi se data më popullore është 9 shtatori, sipas raportimeve të 24sata.hr.

Edhe pse data ka ndryshuar me dekadat, shtatori mbetet padyshim muaji më i popullarizuar për lindje. Të dhënat tregojnë se 9 nga 10 ditët më të zakonshme për lindje bien midis 9 dhe 20 shtatorit. Duke marrë parasysh që shtatzënia mesatare zgjas rreth 38 javë, shumica e foshnjave ngjizen në dhjetor, gjatë periudhës së festave.

Në Britaninë e Madhe, statistikat tregojnë se numri më i madh i foshnjave lindin më 26 shtator, që korrespondon me 38 javë pas 2 janarit, duke bërë që ky të quhet “Dita Kombëtare e Konceptimit”.

Nga ana tjetër, muajt e dimrit – dhjetori, janari dhe shkurti – janë më pak të popullarizuar për lindje. Ditët më të rralla për lindje janë 25 dhjetori, 1 janari dhe 29 shkurti. Kjo mund të lidhet me planifikimin e lindjeve, pushimet e mjekëve, ose lindjet e planifikuara si prerjet cezariane dhe induksionet, të cilat shmangin festat.