Një memorandum mirëkuptimi midis SHBA-së dhe Iranit është planifikuar të nënshkruhet të premten në vendpushimin Burgenstock në Zvicrën qendrore, konfirmoi Ministria e Jashtme Zvicerane për Anadolu të martën.

Departamenti Federal i Punëve të Jashtme i Zvicrës (FDFA) tha se ka qenë në kontakt të ngushtë për disa ditë me SHBA-në, Iranin, Pakistanin dhe Katarin, në lidhje me nënshkrimin e planifikuar.

"Në këtë fazë, nënshkrimi është planifikuar për të premten, më 19 qershor, në Bürgenstock në kantonin e Nidwalden", konfirmoi në një deklaratë zëdhënësi i FDFA-së, Pierre-Alain Eltschinger.

Sipas ministrisë, vendndodhja u propozua nga ndërmjetësuesit pakistanezë dhe katarianë, si dhe nga SHBA-të dhe Irani.

“Zvicra po vepron si lehtësuese në këtë proces, duke krijuar kushtet praktike dhe diplomatike të nevojshme që ky takim të zhvillohet në territorin zviceran”, tha Eltschinger.

FDFA nuk zbuloi detaje rreth përmbajtjes së memorandumit apo ceremonisë së planifikuar të nënshkrimit.

"Në këtë fazë nuk mund të ofrohen informacione të mëtejshme në lidhje me procedurën ose detajet e nënshkrimit të planifikuar", thuhet në deklaratë.