Zyratri i Lartë: Hamasi gati të heqë dorë nga kontrolli i Gazës, por nuk do t'i dorëzojë armët

Lëvizja radikale palestineze Hamas është gati të heqë dorë nga kontrolli i Rripit të Gazës, por nuk mund të përjashtohet nga procesi i negociatave dhe nuk do t'i dorëzojë armët, tha në një intervistë për CNN,  udhëheqësi i lartë Ghazi Hamad.

"Lidhur me qeverisjen e Gazës, ne jemi të gatshëm të dalim jashtë qeverisjes së Gazës, nuk kemi problem me këtë", tha Hamadi. Në të njëjtën kohë, ai theksoi se ishte e pamundur "të përjashtohej Hamasi nga çështjet palestineze dhe situata palestineze, sepse Hamasi po luan një rol pozitiv".

Zyrtari i lartë tha gjithashtu se krahu i armatosur i organizatës ka një "armë legjitime dhe ligjore që përdoret gjatë gjithë kohës" për të luftuar pushtimin, duke shtuar se Hamasi "nuk do të dorëzohet kurrë".

Hamad tha se procesi i negociatave është aktualisht plotësisht i ngrirë. Ai fajësoi SHBA-në për një pjesë të dështimit të negociatave, duke thënë se ata "nuk mund të provojnë se janë ndërmjetës të ndershëm dhe neutralë".

Më 9 shtator, Izraeli kreu sulme kundër anëtarëve të udhëheqjes radikale që ndodheshin në Doha. Hamasi raportoi vdekjen e gjashtë personave, përfshirë djalin e njërit prej udhëheqësve të organizatës në Rripin e Gazës dhe një anëtar të forcave të sigurisë së Katarit. Hamadi ishte një nga personat në ndërtesë që arriti të mbijetonte./ CNN.