Trump vendos tarifa prej 50% ndaj Brazilit, duke përmendur gjyqin e aleatit Bolsonaro

Presidenti i SHBA-së, Donald Trump, nënshkroi të mërkurën një urdhër ekzekutiv që zbaton një tarifë shtesë prej 40% për produktet braziliane, duke e çuar totalin e tarifave tregtare në 50%.

Trump e përmbushi një kërcënim ndaj ekonomisë më të madhe të Amerikës Latine, duke e ndëshkuar atë që ai e ka quajtur një “gjueti shtrigash” kundër aleatit të tij të ekstremit të djathtë, ish-presidentit Jair Bolsonaro .

Gjithashtu përmendi “politikat dhe veprimet e pazakonta dhe të jashtëzakonshme të Brazilit që dëmtojnë kompanitë amerikane, të drejtat e fjalës së lirë të personave amerikanë, politikën e jashtme të SHBA-së dhe ekonominë e SHBA-së” dhe përmendi me emër gjyqtarin e Gjykatës Supreme braziliane Alexandre Moraes – i cili mbikëqyr gjyqin kundër Bolsonaros.

Nuk përcaktoi datën se në cilën datë do të hynin në fuqi tarifat, por Trump më parë kishte përmendur 1 gushtin.

Natyra politike e kësaj mosmarrëveshjeje duket se e bën më pak të mundshme një marrëveshje të minutës së fundit. Brazili ka këmbëngulur që çështja kundër Bolsonaros do të vazhdojë nëse prokurorët nuk vendosin ndryshe. Ai akuzohet për komplotimin e një grushti shteti për të qëndruar në pushtet pas humbjes së zgjedhjeve të fundit.