Alarmi i ri global u shkaktua herët të premten nga raportet e zyrtarëve amerikanë të cituar nga ABC, CNN, NBC se Izraeli kishte goditur token iraniane. Në të njëjtën kohë, pak para orës 10:00, një zyrtar i lartë iranian tha për Reuters se nuk kishte plan për t’u kundërpërgjigjur menjëherë sulmit.

Në këtë kontekst, të njëjtat burime thanë se Izraeli nuk do të marrë përgjegjësi dhe se mbetet e paqartë pse Pentagoni zbuloi për mediat amerikane se Izraeli ishte i përfshirë.

Sipas informacioneve, sulmi ndodhi në Isfahan të Iranit qendror, i cili ka një bazë ajrore dhe objekte bërthamore, me Teheranin që pretendon se nuk ka pasur asnjë sulm.

Fakti që infrastruktura bërthamore e Iranit nuk është dëmtuar është konfirmuar nga Agjencia Ndërkombëtare e Energjisë Atomike (IAEA). Në një përpjekje për të minimizuar atë që ndodhi, mediat iraniane transmetuan imazhe nga qyteti i Isfahanit në të cilat jeta vazhdon normalisht.

Sipas Sky News, sulmi i Izraelit në mëngjes herët të premten thuhet se dërgoi tre mesazhe nga Izraeli:

Së pari: Rivendosi “ekuilibrin” në logjikën e “ju na goditët, ju kaluat një vijë të kuqe”.

Së dyti: Dërgoi mesazhin se kjo është një përgjigje e balancuar me kujdes dhe jo një sulm i përgjithshëm ndaj Iranit.

Së treti: Një mesazh për udhëheqjen iraniane se ne mund të godasim thellë në tokën e Iranit, avionët tanë mund të fluturojnë afër ose brenda hapësirës suaj ajrore dhe nëse reagoni do të përballeni me një përgjigje më të ashpër.

Air defense can be seen over Isfahan, Iran, shortly after a U.S. official confirmed to ABC News Israeli missiles have hit a site in Iran.

Follow live updates: https://t.co/fBvm6QbVwk pic.twitter.com/jFXzJlDrry

— ABC News (@ABC) April 19, 2024