Një kryebashkiak i Brukselit, përfaqësues i së majtës, urdhëroi policinë të mbyllte një konferencë konservatore, duke tejkaluar autoritetin e tij. Punimet e konferencës konservatore vijuan sot pas vendimit të marrë në orët e vona të natës nga Gjykata, e cila në vendimin e saj përmendi të drejtën e lirisë së tubimit në kushtetutën kombëtare.

Konferenca Kombëtare e Konservatorizmit në Bruksel - zemra e Bashkimit Evropian - u mbyll nga policia të marten. Policia bllokoi hyrjen dhe pengoi folësit, përfshirë një kandidat për president francez dhe anëtarë të Parlamentit Evropian, të hynin brenda. Taktikat ngacmuese nga kryetari i bashkisë, i cili mburrej se po përdorte shqetësimet e sigurisë publike për t'i larguar konservatorët jashtë qytetit, pasi më parë edhe kryebashkiakë të tjerë të së majtës kishin vepruar me të njëjtën taktikë.

Por  një "vendim urgjent natën vonë" nga një gjykatë e lartë belge thotë se kryebashkiaku socialist Emir Kir veproi në mënyrë jokushtetuese, një vendim që aktivistët dhe avokatët e kanë përshëndetur si një fitore për lirinë e fjalës.

Gjykata konstatoi se nëse kishte rrezik dhune, ai ishte shkaktuar nga kundërprotestuesit, jo nga vetë konferenca, duke e bërë mbylljen e konferencës në disproporcion.

Folësit duke përfshirë kryeministrin e Hungarisë Viktor Orban dhe ish-shefin e spiunazhit gjerman, tashmë një konservator, Hans-Georg Maaßen po i drejtohen konferencës sot.

Aleanca Ndërkombëtare e Mbrojtjes së Lirisë, e cila ofroi ndihmë ligjore për konferencën, konfirmoi brenda natës se takimi do të ishte "i lirë për t'u zhvilluar" të mërkurën pasi "Conseil d'État, gjykata më e lartë në Belgjikë në lidhje me çështjet e administratës publike" mori vendimin e saj.

Gjykata vendosi se “neni 26 i Kushtetutës [të Belgjikës] i jep të gjithëve të drejtën për t'u mbledhur në mënyrë paqësore” dhe megjithëse kryetari i bashkisë ka autoritetin të japë urdhëra policor në rast të “çrregullimit të rëndë të qetësisë publike ose ngjarjeve të tjera të paparashikuara, në këtë rast nuk kishte kërcënim të mjaftueshëm për dhunë për ta justifikuar këtë.

Taktika e kryebashkiakut të majtë është vlerësuar si "një shenjë e errët në demokracinë evropiane".

“Asnjë zyrtar nuk duhet të ketë fuqinë të mbyllë tubimet e lira dhe paqësore vetëm sepse nuk pajtohet me atë që thuhet. Si mund të pretendojë Brukseli se është zemra e Evropës nëse zyrtarët e tij lejojnë të dëgjohet vetëm njëra anë e bisedës evropiane?

Lloji i censurës autoritare që sapo kemi dëshmuar i përket kapitujve më të këqij të historisë së Evropës", thuhet në reagim.

 Avokati Ëouter Vaassen, i cili e mbështeti çështjen, pohoi më tej: “kjo nuk duhet të kishte ndodhur kurrë, veçanërisht në Bruksel – zemra politike e Evropës.

Shkëmbimi i lirë dhe paqësor i ideve dhe liria bazë e tubimit janë shenja dalluese të një Evrope demokratike. Që një sfidë ligjore e këtij lloji duhej ngritur thjesht për të qenë në gjendje të mblidhej si një konferencë paqësore është një turp. Ne duhet të mbrojmë me zell liritë tona themelore që censura të mos bëhet normë në shoqëritë tona të supozuara të lira.”

Disa figura deklaruan se i gjithë episodi kishte qenë thellësisht kundërproduktiv për kryebashkiakun e majtë, pasi kishte ekspozuar shumë publikisht rrezikun e fjalës së lirë dhe intolerancën e së majtës.

Nigel Farage, një nga folësit që doli në konferencë të martën, e quajti përpjekjen për të mbyllur konferencën "një autogol masiv" për kryebashkiakun.