Donald Trump u është drejtuar mbështetësve të tij për ta ndihmuar atë të zgjedhë një kandidat për garën presidenciale.

Kandidati republikan, i cili po udhëheq garën paraprake, por nuk është konfirmuar si kandidati i partisë, përdori një faqe interneti për mbledhjen e fondeve për fushatën për të thënë se ai po kërkonte këshilla "përulësisht", shkruan The Telegraph.

Mbështetësit mund të vendosin një emër për kandidatin e tyre të zgjedhur së bashku me një numër të atributeve të tyre të preferuara, duke përfshirë nëse ata duhet të jenë njerëz të fesë ose veteranë ushtarak.

Fushata e Trump-it nuk ka zbuluar se kush është duke u konsideruar dhe nuk lejon bëjnë një përzgjedhje pa donacion. Megjithatë, The Telegraph e ka rikrijuar kuizin për lexuesit nga një listë e kandidatëve të mundshëm dhe më pak të mundshëm.

Tim Scott, i cili ka bërë fushatë në emër të Trump-it pasi u largua nga zgjedhjet paraprake republikane, do të klasifikohej si senator dhe njeri i fesë që nuk ka shërbyer në ushtri.

Senatori i Floridës, Marco Rubio dhe Katie Britt, senatore nga Alabama, do të grupohen nën të njëjtat opsione.

Vivek Ramaswamy, një tjetër ish-rival kryesor dhe pretendent i mundshëm për kandidat për zëvendëspresident, është gjithashtu njeri i fesë dhe jo veteran, por i klasifikuar si një "outsider" politik.

"Kam nevojë për këshillën tuaj"

Disa kombinime japin vetëm një kandidat të vetëm. Joe Rogan, prezantuesi podcast-i, është i vetmi zëvendëspresident i mundshëm që nuk është njeri i fesë, për shembull.

Opsionet e tjera nuk japin ndonjë rezultat perfekt. Asnjë "outsider" politik – mes tyre Donald Trump Jr, djali i zotit Trump dhe ish-prezantuesi i Fox News, Tucker Carlson – nuk kanë shërbyer në ushtri.

"Para se të zgjedh zëvendëspresidentin e ardhshëm, kam nevojë për këshillën tuaj!" Trump shkroi në faqen e mbledhjes së fondeve.

"Po kërkoj me përulësi përgjigjen tuaj para se të mbarojë dita. Nuk dua të bëj zgjedhjen time pa lexuar më parë mendimet tuaja!"

"Ne do ta bëjmë Amerikën të madhe përsëri! Po ju kërkoj të bëni zgjedhjen tuaj për zëvendëspresident."

Së bashku me sugjerimin e një kandidati, mbështetësve u kërkohet të zgjedhin nga një listë çështjesh ku duhet të përqendrohet zëvendëspresidenti i Trump-it.

Ato variojnë nga "sigurimi i kufirit" tek "mundja e komunizmit", dhe gjithashtu përfshijnë atë që ka të ngjarë të jetë një temë e diskutueshme fushate: "mbrojtja e të palindurve".

Trump pretendoi në janar se ai e kishte zgjedhur tashmë kandidatin e tij, megjithëse Trump Jr më vonë tha se babai i tij me siguri po bënte shaka.