Një ministër kyç i kabinetit të luftës të Izraelit e ka akuzuar Kryeministrin Benjamin Netanyahu se nuk ka thënë të vërtetën për qëllimet ushtarake në Gaza.

Netanyahu ka hedhur poshtë publikisht synimin e SHBA për një shtet të ardhshëm palestinez dhe këmbënguli se ofensiva do të vazhdojë "deri në fitoren e plotë".

Por ministri Gadi Eisenkot tha se ata që mbronin teorinë e zhdukjes absolute të Hamasit nuk po thonë të vërtetën. Djali i gjeneralit në pension u vra duke luftuar në Gaza.

Veterani tha gjithashtu se Netanyahu mbante "përgjegjësinë e fortë dhe të qartë" në dështimin për të mbrojtur vendin e tij më 7 tetor dhe kërkoi zgjedhje të reja, duke thënë se nuk kishte besim te udhëheqja aktuale e Izraelit.

Hamasi vrau rreth 1300 njerëz dhe mori 240 pengje në sulmin e befasishëm në Izraelin jugor.

Pothuajse 25,000 njerëz janë vrarë nga sulmet ajrore izraelite në Gaza që atëherë, sipas ministrisë së shëndetësisë të drejtuar nga Hamasi.

Tensionet midis anëtarëve të kabinetit, me lajmet se Kryeministri dhe Ministri i Mbrojtjes Yoav Gallant mezi i flasin njeri-tjetrit, vijnë pasi hendeku midis Izraelit dhe aleatëve të tij perëndimorë po zgjerohet.

Pas komenteve të zotit Netanyahu për shtetësinë palestineze, këshilltari i sigurisë kombëtare të Shtëpisë së Bardhë, John Kirby tha se Shtetet e Bashkuara dhe Izraeli "qartësisht i shohin gjërat ndryshe".

Një zëdhënës i Departamentit të Shtetit tha se nuk kishte asnjë mënyrë për të zgjidhur problemet e sigurisë së Izraelit pa një shtet palestinez.

Shtëpia e Bardhë tha se Presidenti Joe Biden diskutoi për një zgjidhje me dy shtete me Netanyahun gjatë një telefonate të premten – e para që është bërë në gati një muaj.

Më vonë Biden foli me gazetarët në Uashington dhe kur u pyet nga njëri nëse një zgjidhje me dy shtete ishte e pamundur me zotin Netanyahu në detyrë, ai u përgjigj: "Jo, nuk është".

"Ka një sërë llojesh zgjidhjesh me dy shtete. Ka një numër vendesh që janë anëtarë të OKB-së që... nuk kanë ushtritë e tyre," tha zoti Biden.

Por zoti Netanyahu e ka kaluar karrierën e tij duke i rezistuar një shteti palestinez dhe vetëm muajin e kaluar u mburr se ishte krenar që e kishte parandaluar atë.

Koha e një refuzimi tjetër të administratës Biden do të rrisë ndjenjën e izolimit të tij ndërkombëtar në rritje.

SHBA është përpjekur në mënyrë të përsëritur të ndikojë në strategjinë ushtarake të Izraelit gjatë këtij konflikti - duke kërkuar më shumë sulme të drejtuara me saktësi në Gaza në krahasim me sulmet ajrore të përgjithshme; vonim ose heqje dorë nga  pushtimi tokësor;  angazhim në bisedime kuptimplote për një zgjidhje me dy shtete, në të cilën Izraeli do të bëhej fqinj me një shtet të ardhshëm palestinez, me një rol për Autoritetin Palestinez.

Por thirrjet janë refuzuar shpesh nga zoti Netanyahu gjatë takimeve të tensionuara me zyrtarët amerikanë, duke thelluar zhgënjimin në disa qarqe amerikane për mbështetjen e pakushtëzuar të Presidentit Biden për Izraelin.

Mes mbizotërimit të vdekjes në këtë konflikt, aleatët e Izraelit shpresojnë se jeta mund të kthehet në planin e fjetur të dy shteteve si e vetmja mënyrë për të krijuar paqe të qëndrueshme.

Por komentet e zotit Netanyahu duket se tregojnë se ai dëshiron krejt të kundërtën: një pozicion që ai padyshim shpreson se do të ishte më në përputhje me një qeverisje të ardhshme të Donald Trump dhe që mund të ishte caktuar për t'i dhënë mikut të tij të vjetër amerikan material, për të mbledhur mbështetësit pro-Izraelit në një vit zgjedhor në SHBA.

Brenda Izraelit, një kryeministër gjithnjë e më i papëlqyer po bie në krahun e djathtë ekstrem, që e mbështet qeverinë e tij.​

Një sondazh i kohëve të fundit zbuloi se vetëm 15% e izraelitëve duan që ai të mbajë postin e tij pas luftës.

Dhe ndërsa shumica e izraelitëve vazhdojnë të mbështesin veprimet ushtarake kundër Hamasit, shumica tani thonë se duan të kenë prioritet sjelljen e rreth 130 pengjeve të mbetura në shtëpi, mbi qëllimin potencialisht të pamundur për të shkatërruar Hamasin.

Komentet e tij të fundit mbi një shtet të ardhshëm palestinez janë gjithashtu një mospranim i përpjekjeve arabe për të ndërmjetësuar në konflikt.

Arabia Saudite ka varur para tij çmimin e normalizimit të marrëdhënieve me Izraelin, si pjesë e një marrëveshjeje armëpushimi që përfshin një zgjidhje me dy shtete.

Por kryeministri izraelit duket se ka vënë në bast mbijetesën e tij politike në një pozicion të vijës së ashpër anti-palestineze.

Ai nuk mund ta shesë më veten si "Zoti Siguria" pas sulmeve më të këqija në historinë e Izraelit që ndodhën nën qeverisjen e tij.

Tani është "Zotëria Jo Palestinë e Pavaruar": një pozicion që ai beson se do të tingëllojë me gjendjen e  publikur këtu që është ende shumë i traumatizuar për të konceptuar një shtet palestinez fqinj.