Kina ka zgjeruar hyrjen pa viza edhe për dy shtete të tjera evropiane. Në dhjetor, Kina lejoi  hyrjen pa viza për qytetarët e pesë vendeve evropiane si dhe të Malajzisë.

Tani, edhe dy shtete të tjera evropiane i janë shtuar listës ndërkohë që ky vend po përpiqet të inkurajojë më shumë njerëz të vizitojnë për biznes dhe turizëm. Së bashku me qytetarët e Francës, Gjermanisë, Italisë, Holandës, Spanjës dhe Malajzisë, shtetasit irlandezë dhe zviceranë tani do të lejohen të hyjnë në Kinë pa vizë. Njoftimi u bë gjatë vizitës së kryeministrit kinez Li Qiang në Evropë për të marrë pjesë në Forumin Ekonomik Botëror në Davos këtë javë.

Qëllimi është "të lehtësojë zhvillimin me cilësi të lartë të shkëmbimeve të personelit kinez dhe të huaj dhe hapjen e nivelit të lartë ndaj botës së jashtme", tha zëdhënësi i Ministrisë së Jashtme Mao Ning në një konferencë  të bërë në nëntor.

Masat e rrepta pandemike të Kinës, të cilat përfshinin karantina të kërkuara për të gjithë ata që shkonin, i shkurajuan shumë njerëz që ta vizitonin për gati tre vjet. Kufizimet u hoqën në fillim të vitit të kaluar, por udhëtimi ndërkombëtar ende nuk është rikthyer si në nivelet para pandemisë.

Kina më parë lejoi qytetarët e Bruneit, Japonisë dhe Singaporit që të hynin pa vizë, por e pezulloi atë pas shpërthimit të COVID-19. Ajo rifilloi hyrjen pa viza për Brunei dhe Singapor në korrik, por nuk e ka bërë këtë për Japoninë.

Në vitin 2023, Kina regjistroi 35.5 milionë hyrje dhe dalje nga të huajt, sipas statistikave të imigracionit. Kjo krahasohet me 97.7 milionë për të gjithë vitin 2019, vitin e fundit para pandemisë.