Ministria e Jashtme e Iranit ka lëshuar një deklaratë ku dënon edhe një herë sulmet e Pakistanit këtë mëngjes në afërsi të qytetit të Saravanit në provincën Sistan-Baluçestan.

Deklarata shton se Teherani është i përkushtuar për marrëdhënie të mira fqinjësore me Pakistanin, por i bëri thirrje Islamabadit që të parandalojë krijimin e "bazave dhe grupeve të armatosura terroriste" në tokën pakistaneze.

Ministria vazhdon gjithashtu të përshkruajë sulmin e Iranit në provincën Balochistan të Pakistanit të martën, duke thënë se pasi vëzhgoi se një grup militant ishte gati të largohej nga Irani për në Pakistan, ai "krye operacione parandaluese kundër këtij grupi terrorist".

Ministri i Jashtëm i Iranit ka thënë tashmë se operacioni kishte në shënjestër grupin militant Jaish al-Adl, të cilin ai e përshkroi si një "grup terrorist iranian" në Pakistan.

Deklarata shton se sulmet u zhvilluan larg zonave të banuara dhe se është pjesë e detyrave të forcave kufitare të Iranit të merren me çdo kërcënim kundër popullit ose vendit të tij.