Në një deklaratë të guximshme të shtunën, kryeministri Benjamin Netanyahu deklaroi se Izraeli do të vazhdojë në fushatën e tij kundër Hamasit deri në arritjen e fitores, duke hedhur poshtë çdo ndërhyrje të mundshme, përfshirë atë të gjykatës botërore. Kjo vjen në kohën e konfliktit të vazhdueshëm në Gaza, që po i afrohet ditës së 100-të.

Konflikti në vazhdim është bërë konfrontimi më i gjatë dhe më vdekjeprurës midis Izraelit dhe palestinezëve që nga krijimi i Izraelit në vitin 1948, dhe nuk ka shenja se luftimet do të marrin fund.

Netanyahu: "Askush nuk do të na ndalojë, as Haga, as boshti i së keqes dhe askush tjetër".

Deklaratat  Netanyahu pasuan seancat dëgjimore në Gjykatën Ndërkombëtare të Drejtësisë mbi akuzat e Afrikës së Jugut për gjenocid izraelit kundër palestinezëve, një pretendim që Izraeli e refuzon si shpifës dhe hipokrit.

Pavarësisht se Afrika e Jugut kërkon një urdhër të përkohshëm për të ndalur ofensivën e Izraelit, Netanyahu tha në komentet televizive të së shtunës në mbrëmje, duke iu referuar Iranit dhe milicive aleate të tij se "askush nuk do të na ndalojë, as Haga, as boshti i së keqes dhe askush tjetër".

Çështja para gjykatës botërore pritet të zgjasë me vite, por vendimet e përkohshme mund të nxirren brenda javësh. Netanyahu e bëri të qartë se Izraeli nuk do të zbatonte asnjë urdhër për ndërprerjen e armiqësive, duke e thelluar me shumë gjasa izolimin e tij ndërkombëtar.

Presioni ndërkombëtar ndaj Izraelit për t'i dhënë fund konfliktit është përshkallëzuar, me protesta në qytete të ndryshme që kërkojnë ndërprerjen e tij. SHBA, duke ofruar mbështetje diplomatike dhe ushtarake, e ka mbrojtur Izraelin nga shumica e këtij presioni.

Shqetësimet për një konflikt më të gjerë kanë qenë të pranishme që nga fillimi i luftës, me hapjen e fronteve të reja që përfshijnë grupe të mbështetura nga Irani në Jemen, Liban, Irak dhe Siri. SHBA ka rritur praninë e saj ushtarake në rajon për të penguar përshkallëzimin e mëtejshëm.

Në mes të konfliktit, SHBA dhe Britania nisën të enjten sulme ajrore kundër rebelëve Houthi në Jemen, duke iu përgjigjur fushatës së tyre të sulmeve me dronë dhe raketa ndaj anijeve tregtare në Detin e Kuq.

Përmbledhja e luftës në numra

Rrënjët e luftës nisin nga një sulm më 7 tetor 2023 nga Hamasi dhe militantë të tjerë që mori rreth 1200 jetë në Izrael, kryesisht civilë.

TOTALI I VDEKJEVE

Palestinezë të vrarë në Gaza: 23.843

Njerëz të vrarë në Izrael: më shumë se 1200

Palestinezë të vrarë në Bregun Perëndimor: 347

CIVILËT

Numri i civilëve të vrarë në Gaza: Vlerësohet se janë 2/3 e të vrarëve

Numri i civilëve të vrarë në Izrael më 7 tetor: 790

Stafi i OKB-së i vrarë në Gaza: 148

Punonjësit e shëndetësisë të vrarë në Gaza: të paktën 337

Gazetarët e vrarë në Gaza: 82

USHTARE/MILITANTE

Ushtarë izraelitë të vrarë më 7 tetor: 314

Militantë të vrarë nga Izraeli: Mbi 8,000

Ushtarët izraelitë të vrarë në ofensivën tokësore në Gaza: 187

Ushtarët izraelitë të vrarë në frontin verior: 9

Ushtarët izraelitë të vrarë nga zjarri miqësor ose "aksidentet" në Gaza dhe në veri: 29

SHKATËRRIM/SITUATA HUMANITARE NË GAZA

Ndërtesat e Gazës me gjasë të dëmtuara/shkatërruara: 45-56%

Spitalet në Gaza funksionojnë pjesërisht: 15 nga 36

Qytetarët palestinezë që përballen me “uri katastrofike dhe urinë”: 576,600 (26% e popullsisë)

Ndërtesat e shkollave në Gaza të dëmtuara: mbi 69%

Xhamitë e dëmtuara: 142

Kishat e dëmtuara: 3

Ambulanca të dëmtuara: 121

Nxënës jashtë shkollës: 625,000 (100% e studentëve)

PLAGOSJET

Palestinezët e plagosur në Gaza: 60,005

PalestinezË të plagosur në Bregun Perëndimor: më shumë se 4000

Totali i izraelitëve të plagosur: 12,415

Ushtarë izraelitë të plagosur në ofensivën tokësore: 1085

Ushtarët izraelitë të plagosur që nga 7 tetori: 2,496

ZHVENDOSJE

Palestinezë të zhvendosur nga Gaza: 1.9 milionë (85% e popullsisë së Gazës)

Izraelitë të zhvendosur nga komunitetet kufitare veriore dhe jugore: 249,263 (2.6% e popullsisë)

PENGJE

Pengje të marra nga Hamasi më 7 tetor: rreth 250

Pengje të liruar: 121