Joe Biden i ka dërguar në mënyrë të përsëritur email-e bashkëpunëtorit të biznesit të të birit Hunter para se ai të bënte udhëtime në Ukrainë, sipas të dhënave të publikuara nga republikanët.

Korrespondenca me Eric Schwerin-in përkoi gjithashtu me kohën kur Hunter Biden po negocionte për të shërbyer në bordin e kompanisë ukrainase të gazit natyror Burisma.

Biden shkëmbeu email-e me Schwerin-in 54 herë gjatë kohës që ai ishte zëvendëspresident.

Në fillim të këtij muaji, republikanët e Dhomës së Përfaqësuesve miratuan një hetim për shkarkimin e presidentit për "krime të larta dhe shkelje". Masa u hodh poshtë si një marifet politik nga demokratët dhe, duke qenë se ata mbajnë shumicën në Senat, shanset që zoti Biden të hiqet nga detyra janë shumë të pakta.

Donald Trump ka akuzuar vazhdimisht familjen Biden se po pasurohet. Që kur morën kontrollin e Dhomës së Përfaqësuesve, republikanët kanë nisur një sërë hetimesh ndaj zotit Biden dhe djalit të tij Hunter, të cilin ata e kanë identifikuar si një pengesë politike për presidentin.

Republikanët kanë pohuar se presidenti ka përfituar nga marrëdhëniet e biznesit të djalit të tij në Kinë, Kazakistan, Rumani, Rusi dhe Ukrainë mes viteve 2014 dhe 2019. Por deri më tani ata nuk kanë dhënë asnjë provë dhe presidenti ka mohuar në mënyrë të përsëritur çdo përfshirje në çështjet e biznesit të Hunter.

Megjithatë, zbulimet e fundit do ta shtojnë presionin mbi zotin Biden, i cili, sipas sondazheve të fundit, përballet me një luftë të ashpër në zgjedhjet presidenciale të nëntorit 2024. Mbështetja e tij është më e keqja ndaj çdo presidenti modern në këtë fazë të ciklit zgjedhor. Mbështetja e zotit Biden është në 39 për qind. Donald Trump ishte në 45 për qind kur SHBA hyri në vitin zgjedhor të 2020.

Ekzistenca - por jo përmbajtja - e kuotës së email-eve nuk u tregua nga organet e zbatimit të ligjit. Disa sondazhe të tjera tregojnë gjithashtu se zoti Trump është në avantazh, veçanërisht në shtetet kyçe që mund të vendosin zgjedhjet. Sipas të dhënave, pjesa më e madhe e emailev-e janë shkëmbyer rreth kohës së dy udhëtimeve të zotit Biden në Ukrainë si zëvendëspresident në vitin 2014.

Hunter Biden, 53 vjeç, u emërua në bordin e Burismas në maj të vitit 2014 para udhëtimit të parë të babait të tij në Ukrainë në qershor. Ai fitoi 1.2 milionë dollarë nga Burisma në vitin 2014 dhe, sipas prokurorëve federalë, më shumë se 1.4 milionë dollarë nga kompania midis vitit 2016 dhe 2019, kur përfshirja e tij përfundoi. Në kujtimet e tij, Hunter Biden i përshkroi paratë që mori nga Burisma si "të dobishme", por këmbënguli se ai nuk ishte i dëshpëruar për para në atë kohë.

Sidoqoftë, përveç punës me Hunter Biden, Schwerin ishte këshilltar financiar i Joe Biden-it nga viti 2009 deri në 2017. Shtëpia e Bardhë nuk ka komentuar mbi akuzat.

Jamie Raskin, kongresist demokrat, tha se Schwerin nuk ishte në dijeni të ndonjë përfshirjeje nga Biden në bizneset e të afërmve të tij. Në fillim të këtij muaji, Hunter Biden, i cili po përballet me akuza për shkelje tatimore dhe posedim të paligjshëm të armëve, këmbënguli se babai i tij nuk ishte përfshirë në marrëdhëniet e tij të biznesit.

Duke folur jashtë Kapitolit të SHBA-së, ai sulmoi "MAGA right", për të cilën tha se "ka vënë në dyshim karakterin tim, ka uzurpuar privatësinë time, ka sulmuar gruan time, fëmijët e mi, familjen time dhe miqtë e mi".

/ Telegraph-përshtati në shqip Syri.net /