Ministri i ri i Jashtëm i Polonisë u ka bërë thirrje vendeve evropiane që të nxisin planet afatgjata për prodhimin ushtarak. Deklaratat e tij u bënë pas kthimit nga vizita e tij e parë jashtë vendit, në Ukrainën fqinje.

“Luftërat nuk vendosen nga angazhimet taktike, por nga kapacitetet industriale, dhe ne jemi prapa kurbës,” tha Radosłaë Sikorski, në një intervistë në Varshavë, disa orë pasi u kthye nga Kievi të shtunën.“Si perëndim, ne jemi 20 herë më të pasur se Rusia, por nëse Rusia e vendos ekonominë e saj në një bazë lufte dhe ne vazhdojmë në një bazë në kohë paqeje, ata mund të na tejkalojnë neve”, shtoi ai. Ai tha se qeveritë duhet të ofrojnë kontrata afatgjata për kompanitë e armëve, ose të financojnë vetë prodhimin.

Sikorski, i cili mori detyrën si ministër i Jashtëm këtë muaj, takoi presidentin ukrainas, Volodymyr Zelenskiy, të premten në Kiev. Ai u takua gjithashtu me kryeministrin Denys Shmyhal dhe ministrat e jashtëm dhe të mbrojtjes të vendit.

Udhëtimi i tij erdhi në një kohë kur gjendja shpirtërore në Ukrainë po errësohet mes lodhjes së fushëbetejës, fillimit të një dimri tjetër dhe frikës së pakësimit të mbështetjes nga kryeqytetet perëndimore, me paketat kryesore të financimit si nga BE ashtu edhe nga SHBA të bllokuara në javët para Krishtlindjeve.

“Ishte e lehtë të ishe entuziast për Ukrainën kur ata po rimerrnin territorin: testi i vërtetë i durimit dhe vendosmërisë sonë është tani, kur ka një ngërç”, tha Sikorski.