Një pasardhës i perandorisë së çantave luksoze Hermès  wshtw përfshirw në një betejë publike me fondacionin bamirës që ai themeloi pas raportimeve se ai kishte në plan të shkurtonte financimin e tij dhe në vend të kësaj adoptoi ish-kopshtarin e tij 51-vjeçar pwr ti lwnw trashëgim miliarda.

Nicolas Puech, 80 vjeç, një pasardhës i brezit të pestë i Thierry Hermès, i cili themeloi Hermès në 1837, ka filluar procesin ligjor pwr tw adoptuar zyrtarisht ish-kopshtarin e paidentifikuar dhe planifikon t'i lërë gjysmën e pasurisë së tij prej 12 miliardë eurosh sipas raporteve të mediave zvicerane.

Puech, i cili nuk ka fëmijë, po përpiqet të anulojë një "marrëveshje të trashëgimisë" që ai ra dakord me një shoqatwn që ai themeloi në 2011 për të financuar "mbrojtjen dhe promovimin e debatit publik".

Fondacioni Isocrates, i cili ka një bord prej gjashtë anëtarësh duke përfshirë Puech si president, njoftoi të martën se ka "kundërshtuar" zyrtarisht vendimin e themeluesit të tij.

Fondacioni tha se "nuk është në gjendje të gjykojë procesin ose kontekstin" e raporteve që Puech dëshironte të adoptonte ish-punonjësin e tij.

“Nga pikëpamja ligjore, anulimi i papritur dhe i njëanshëm i një marrëveshjeje të trashëgimisë duket i pavlefshëm dhe i pabazuar”, tha fondacioni në një deklaratë.

Fondacioni tha se u krijua për të financuar dhe mbështetur “gazetarinë me interes publik dhe organizatat e medias të angazhuara për forcimin e fushës së gazetarisë investigative” dhe organizatat e shoqërisë civile “që punojnë drejt dixhitalizimit të përgjegjshëm dhe një hapësire publike dixhitale të shëndetshme”.

Gazeta zviceriane shkruan se burri i paidentifikuar me origjinë marokene është i martuar me dy fëmijë dhe Puech i referohet atyre si "fëmijët" dhe "djali i birësuar".

Një avokat për Puech nuk iu përgjigj kërkesave për koment.

Avokati i tha Bloomberg se klienti i tij mund të mbajë një konferencë për shtyp "për të ndarë faktin nga trillimi dhe për të shpërndarë disa nga marrëzitë që janë raportuar në media".

Puech mendohet se zotëron rreth 5.7% të aksioneve të Hermès.

Vlera e tregut të aksioneve të Hermès është rritur mes një bumi të kërkesës për mallra luksoze që nga pandemia. 

Aksionet e Hermès janë pothuajse katërfishuar që nga pranvera 2020 duke i dhënë asaj një vlerë tregu 209 miliardë euro, duke e bërë aksionin e Puech të vlejë pak më pak se 12 miliardë euro.